हामी सबैकाे संसारन्यूज

१८ मंसिर, काठमाडौं । गोकर्णेश्वरको नयाँपाटी स्थित आमाछोरी मृत अवस्थामा फेला परेका छन । सिन्धुपाल्चोकको जुगल गाउँपालिका घर भई हाल नयाँपाटी बस्दै आएकी २७ वर्षीया पेम्बी शेर्पा र उनकी एक महिनाकी छोरी मृत अवस्थामा फेला परेको महानगरीय प्रहरी वृत्त बौद्धले जानकारी दिएको छ ।

प्रहरीका अनुसार नयाँ पाटि स्थित किरान पसल सञ्चालन गर्दै आएका शेर्पाको परिवार बिहान अबरे सम्मपनि नउठे पछि स्थानियले प्रहरीलाई जानकारी गराएका थियो । घटना स्थलमा पुगि प्रहरीले ढोका फोडि हेर्दा शेर्पाको श्रीमति र बच्चा मृत अवस्थामा फेलापरेका थिएभने ३२ वर्षीय दोर्जे शेर्पा अचेत अवस्थामा फेला परेका थिए । दोर्जेलाई उपचारका लागि नेपाल मेडिकल कलेज पठाइएको प्रहरीले जानकारी दिएको छ ।

घटनाको अवस्था हेर्दा राति हिटर बालेर खुल्लानै राखेकाले निस्सासिएर उनीहरुको मृत्यु भएको हुन सक्ने आशंका प्रहरीले गरेको छ । मृत दुवै जनाको शव  पोष्टमार्टमका लागि त्रिवि शिक्षण अस्पताल महाराजगंज पठाएका छ ।

‘