१९ मङ्सिर, सप्तरी । विद्युत सर्ट भई आगलागी हुँदा विभिन्न धनमाल जलेर नष्ट भएको छ ।
राजगढ गाउँपालिका–४ चपेना टोल बस्ने आनन्द कुमार साहको घरमा विद्युतीय तार सर्ट भई बिहीबार दिउँसो आगलागी हुँदा घर, अन्नपात, लत्ताकपडा, काठपात र सुनचाँदी समेत गरी करिब १२ लाख ४० हजार ७ सय ५० रुपैयाँ बराबरको धनमाल नष्ट भएको हो ।
स्थानीय बासिन्दाको सहयोगमा आगलागी नियन्त्रणमा लिइ यस सम्बन्धमा आवश्यक अनुसन्धान भइरहेको प्रहरीले जानकारी दिएको छ ।
वि.सं.२०७७ मंसिर १९ शुक्रवार १२:२७ मा प्रकाशित






























