हामी सबैकाे संसारन्यूज

१९ मंसिर, काठमाडौं । नेपाल ओलम्पिक कमिटीसँग कतारले सन् २०३० मा हुने एसियन गेम्स आयोजनाको लागि समर्थनका लागि आग्रह गरेको छ । सातदाेबाटाे स्थित नेपाल ओलम्पिक कमिटीको कार्यलयमा भएको भेटमा कतार ओलम्पिक कमिटीका पधादिकारीहरुले नेपालसँग सहयोगको लागि आग्रह गरेका हुन्र ।

कतारले सन् २०३० मा हुने एसियन गेम्स आयोजनाको दाबेदारी यसअघि देखिने गर्दै आईरहेको छ । बिहीबार भएको नेपाल ओलम्पिक कमिटीसँगको भेटमा कतार ओलम्पिक कमिटीका पदाधिकारीहरुले आग्रह गरेका हुन् । भेटमा कतारले सन् २०३० मा आफुले आयोजना गर्दागर्ने कार्यको पनि विशेष कार्यक्रम नेपाली पदाधिकारी सामु प्रस्तुत गरेकाे थिए ।

नेपाल ओलम्पिक कमिटीको नेतृत्व कमिटीका अध्यक्ष जीवनराम श्रेष्ठ र कतारी कमिटीकाे नेतृत्व महासचिव रसिद जे ए अल्बुनइनले गरेका थिए । अध्यक्ष श्रेष्ठले कतारी टोलीलाई नेपालमा स्वागतगर्नुका साथै कतारी दावेदारीको सफलताको कामना समेत गरेका थिएभने कतारी टोलीका प्रमुख अल्बुनइनले नेपाल आउन पाउँदा खुसी व्यक्त गर्दै आफ्नो देशको दावेदारीमा नेपालको सहयोग र समर्थन रहने विस्वास व्यक्त गरेका थिए ।

सन् २०३० मा हुने एसियन गेम्स आयोजनाको लागि कतारसँगै साउदी अरबले पनि दाबि गरेको छ । भाेटिङको आधारमा आयोजकको तय यहि डिसेम्बर १६ मा हुदै छ । जहाँ एसियाका ४५ वटा ओलम्पिक कमिटीले भोट गर्नेछन् ।