हामी सबैकाे संसारन्यूज

१९ मंसिर, मुगु । नेपाली कांग्रेसका बरिष्ठ नेता रामचन्द पौडेललाई पक्राउ गरेको बिषयलाई लिएर नेपाली कांग्रेस मुगुले बिहिबार सरकारकाबिरुद्धमा गमगढीमा बृहत प्रर्दशन गरि खबरदारी गरेको छ ।

कांग्रेसका बरिष्ठ नेता पौडेललाई तनहुँमा पूल उदघाटन गर्न जाँदा पक्राउ गरि जिल्ला प्रहरी कार्यालयमा राखेको विरुद्धमा ‘अधिनायकवादी ओली सरकार होसियार’ लेखिएका प्लेकार्ड सहित नारा बाजी गर्दै गमगढीमा प्रर्दशन गरिएको हो ।

तनहुमा पुल उदघाटन गर्न गएका पौडेललाई ओली सरकारले पक्राउ गरेर हिरासतमार राखेको घटनाका बिरुद्धमा खबरदारी गरिएको कांग्रेस उपसभापति खगेन्द्र मल्लले बताए ।

‘ओली सरकारको दिनगन्ती सुरु भइसकेको र बामपन्थी सरकार कहिल्यै लोकतान्त्रिक हुन सक्तैन्’ उपसभापति मल्ले भने । मल्लले सरकारको बिरुद्धमा आन्दोलन कडा हुने चेतावनी समेत दिएका छन् ।

सरकारको बिरोधमा गमगढी बजार क्षेत्रमा रयाली गरि गमगढी मिलनचोकमा कोणसभाको आयोजना गरिएको कांग्रेसले जनाएको छ ।

उक्त कोणसभामा कांग्रेसका जिल्लास्तरका नेताहरुले ओली सरकारप्रति आक्रोस पोखेका थिए । उक्त प्रदर्शनमा जिल्ला कार्यसमितिका पदाधिकारीहरु, नेता कार्यकर्ता, तरुणदल, नेबिसंघ, महिला संघ लगायतको सहभागिता रहेको थियो ।