१९ मङ्सिर, बाग्लुङ । गलकोट नगरपालिका–४ खरुवा पाखापानीस्थित झाडीमा लुकाई राखेको ४ थान एकनाले भरुवा बन्दुक बिहीबार बिहान प्रहरीले बरामद गरेको छ ।
अबैध घरेलु हतियारहरू लुकाई राखेको भन्ने सूचनाको आधारमा प्रहरी चौकी हटियाबाट खटिएको प्रहरीले झाडीमा लुकाई राखेको उक्त हतियार फेला पारी बरामद गरेको हो ।
बन्दुक राख्ने व्यक्तिको खोजी गर्नुका साथै यस सम्बन्धमा थप अनुसन्धान भइरहेको प्रहरीले जानकारी दिएको छ ।
वि.सं.२०७७ मंसिर १९ शुक्रवार १२:५० मा प्रकाशित