Sansar News
१९ मंसिर, काठमाडौं । ब्रोकर कमिशन घटाउन माग सहित आन्दोलनको घोषणा गर्ने चेतावनी दिइएको छ ।
पछिल्लो समय शेयर रकम वढ्दै गएको र त्यसको कारोवारमा लाग्ने कमसिन धेरै भएको भन्दै घटाउन माग गर्दै पुँजी बजारका लगानीकर्ताहरुले आन्दोलन नै गर्ने चेतावनी दिएका हुन् ।
हाल ब्रोकर कम्पनीहरूले सेयर खरिद/बिक्री गर्दा ०.६५ प्रतिशतसम्म कमिसन लिँदै आएका छन्। यसलाई घटाएर ०.२५ प्रतिशत बनाउनु पर्ने लगानीकर्ताको माग रहेको छ ।
नेपाल पुँजी बजार लगानीकर्ता संघकी अध्यक्ष राधा पोखरेलका अनुसार ब्रोकर कमिशन घटाउनका लागि आज (शुक्रबार ) लगानीकर्ताहरुको समूहले नेपाल धितोपत्र बोर्डलाई दबाब दिने कार्यक्रम रहेको छ ।
वि.सं.२०७७ मंसिर १९ शुक्रवार १४:४८ मा प्रकाशित
