हामी सबैकाे संसारन्यूज

१९ मंसिर, काठमाडौं । नेसन्स लिगको आगामी वर्ष २०२१ का लागि हुने सेमिफाइनल  खेलको टुंगो लागेको छ । बिहीबार युरोपियन फुटबल महासंघ (युइएफए) ले सार्वजनिक गरेको ड्र अनुसार सेमिफाइनल खेल अक्टोबर ६ र ७ मा हुनेभएकाे छ ।

सेमिफाइनल खेलका लागि यसअधिनै चार देशको टुङगो लागि सकेको छ । लिग ए अन्तरगत चार समुहको शिर्ष स्थानमा रहेका इटाली, स्पेन, बेल्जियम र फ्रान्स सेमिफाइनलका लागि छनोट भएका थिए । जसमा समुह एकबाट इटाली, दुइबाट बेल्जियम, तीनबाट फ्रान्स र चारबाट स्पेन सेमिफाइनलमा प्रवेश गरेका थियाे ।

बिहीबार भएको ड्र अनुसार सेमिफाइनलमा इटाली र स्पेन भिड्ने छभने, विश्व बिजेता फ्रान्स र बेल्जियम भिड्ने छ। सेमिफाइनलको पहिलो खेल ६ अक्टोबरमा इटाली र स्पेन बिच हुने भएको छभने दोस्रो खेल ७ अक्टोबरमा फ्रान्स र बेल्जियम बिच हुने भएको छ । त्यस्तै फाइनल र तेस्रो स्थानको लागि १० अक्टोबरमा खेल हुने छ ।
यस्तो छ खेल तालिका

सेमिफाइनल खेल
इटालीका विरुद्ध स्पेन ६ अक्टोबर एसि मिलानको घरेलु मैदान सानसिरो, मिलान
फ्रान्सका बिरुद्ध बेल्जियम ७ अक्टोबर युभेन्टसको घरेले मैदान टुरिन

त्यस्तै तेस्रो स्थानको लागि १० अक्टोबरमा युभेन्टसको घरेले मैदान टुरिनमा खेल हुनेछभने फाइनल खेल एसि मिलानको घरेलु मैदान सानसिरो, मिलानममा हुने छ ।