हामी सबैकाे संसारन्यूज

१ माघ, बैतडी । प्रहरीले श्रीमतीको हत्या आरोपमा भौनेली–५का देवेन्द्रबहादुर कँुवरलाई शुक्रबार पक्राउ गरेको छ ।

देवेन्द्रले आफ्नी २४ वर्षीया श्रीमती देवकीलाई यही पुस २४ गते राति लठ्ठीले कुटपिट गरी हत्या गरेर २५ गते बिहान गाउँलेको सहयोगमा दाहसंस्कार गरेको प्रहरीले बताएको छ ।

माइती पक्षलाई जानकारी नगराई देवकीको दाहसंस्कार गरिएपछि माइती पक्षले प्रहरीलाई पुस २७ गते बेलुका खबर गरेको थियो । माइती पक्षको खबरका आधारमा देवेन्द्रलाई घरबाटै नियन्त्रणमा लिइएको र आज बुवा पदमसिंह कँुवरले जाहेरी दिएकाले थप अनुसन्धान सुरु गरिएको जिल्ला प्रहरी कार्यालय बैतडीका प्रहरी नायब उपरीक्षक हेरम्ब शर्माले जानकारी दिनुभयो । रासस