Sansar News
२० मंसिर, काठमाडौँ । ललितपुर बुद्ध जयन्ती ट्रष्टका सभापति तथा लुम्बिनी–कपिलवस्तु प्रवर्धन विश्व अभियान, नेपालका कोषाध्यक्ष धर्मबहादुर शाक्यको निधन भएको छ ।
बौद्ध अभियन्ता शाक्यको उपचारको क्रममा शनिबार बिहान नर्भिक अस्पताल काठमाण्डौमा निधन भएको जनाइएको छ । श्वासप्रस्वासमा समस्या भएपछि १ हप्ता अघि अस्पताल भर्ना भएका शाक्यको ८० बर्षको उमेरमा निधन भएको हो ।
लुम्बिनी-कपिलवस्तु प्रवर्धन विश्व अभियानका युरोप क्षेत्र सल्लाहकार दामोदर आचार्यले शाक्यको निधनको खबरले मर्माहित भएको भन्दै दुख व्यक्त गरेका छन् ।
सामाजिक व्यक्तित्व शाक्यकै मुख्य पहलमा ललितपुर बुद्ध जयन्ती ट्रष्ट र लुम्बनी कपिलवस्तु विश्व अभियानको संयुक्त संयोजनमा नुवाकोटको ककनीमा एक सय फिट अग्लो बुद्ध प्रतिमा बनाउने निर्णय गरेको थियो । ‘बुद्ध नेपालमा जन्भिएका हुन्’ भन्ने सन्देश फैलाउँदै उनले थुप्रै बुद्ध मूर्तिहरु देश विदेशमा निःशुल्क वितरण समेत गरेका थिए ।
वि.सं.२०७७ मंसिर २० शनिवार १९:४६ मा प्रकाशित
