Logo
८ जेष्ठ २०७९, आईतवार
     Sun May 22 2022
E-paper
  English Edition
   Unicode
Logo

बुटवलमा गोली चल्यो, गोली लागेर काठमाडौंका न्यौपाने गम्भीर घाईते



२१ मंसिर, काठमाडौं । बुटवलमा गोली चल्दा एक व्यक्ति घाईते भएका छन् ।

बुटवल उपमहानगरपालिकाका ८ सुख्खानगरस्थित कलश होटलमा बसेका चारजना मध्ये काठमाडौंका राकेश न्यौपाने नाम गरेका व्यक्तिलाई गोली लागेको हो ।

जिल्ला प्रहरी कार्यालय रुपन्देहीका प्रवक्ता सत्यनारायण थापाका अनुसार कलश होटलको १०५ नम्बरको कोठामा बसेका ४ मध्ये एकजनालाई गोली लागेको हो ।

‘हामीलाई हिँजोदेखि सूचना मिलेको थियो बन्यजन्तु तस्कर उक्त होटलमा रहेको भन्ने । बिहान त्यसको कन्फर्मका लागि दुईजना हाम्रा साथी उक्त होटलमा पुग्नु भएको थियो । भित्र उनीहरु रहेको र थप प्रहरीको टोलीसहित उनीहरुलाइ पक्राउ गर्नका लागि बाहिरबाट साथीहरुले चुकुल लगाइदिनु भएको थियो,’ प्रवक्ता थापाले भने, ‘पछि उनीहरुले कोठाको ढोका फोरेर प्रहरीको पेस्तोल खोसेर प्रहरीमाथि हान्न खोज्दा आफ्नै साथीलाई गोली लागेको हो ।’

विहान सवा नै बजेतिर भएको उक्त घटनामा न्यौपानेको घाँटी लगायतमा गोली लागेको र उनलाई तत्कालै प्रादेशिक अस्पताल बुटवलमा उपचारका लागि लगिएको थियो । तर गम्भीर घाईते भएका उनको थप उपचारका लागि भैरहवा मेडिकल कलेजमा लगिएको पनि प्रवक्ता थापाले संसारन्युजलाई जानकारी दिएका छन् ।

प्रहरीले होटलबाट जाजरकोट नायकवडाका कर्ण बहादुर राउत र लेकबेसी नगरपालिका सुर्खेतका भक्त बहादुर थापालाई नियन्त्रणमा लिएको छ भने अर्का विरेन्द्र सिंह राउत भागेको प्रहरीले जनाएको छ । उनीहरुको साथबाट प्रहरीले गैडाको खागजस्तै वस्तु फेला पारेको पनि प्रवक्ता थापाले बताए ।

 


यो खबर पढेर तपाईलाई कस्तो महसुस भयो ?

काठमाडौं । अन्तिम नतिजा आएका ७ सय ७ पालिकामध्ये नेकपा (माओवादी केन्द्र)ले १ सय

काठमाडौं । काठमाडौंको मेयरका लागि भएको निर्वाचनको मतगणना जारी छ । आइतबारसम्म एक लाख

काठमाडौं । २०७४ मा भएको स्थानीय तहको निर्वाचनमा मधेशमा माओवादी केन्द्र बलियो पार्टीको रुपमा

गण्डकी । स्थानीय तह निर्वाचन–२०७९ अन्तर्गत जारी मतगणनामा पोखरा महानगरपालिकाको प्रमुखमा सत्ता गठबन्धन र