हामी सबैकाे संसारन्यूज

काठमाडौं । सत्तारुढ नेपाल कम्युनिष्ट पार्टी नेकपाका उपाध्यक्ष बामदेव गौतमलाई चुनावी प्रधानमन्त्री बनाउने ‘ललिपप’ देखाएको छ । पार्टीको स्थायी समिति बैठकको मुखैमा उनलाई यस्तो ललिपप देखाएको हो ।

स्रोतका अनुसार पार्टी अध्यक्ष एवं प्रधानमन्त्री केपी शर्मा ओली निकटका नेता ईश्वर पोखरेलले गौतमलाई आइतबार फोन गर्दै यस्तो प्रस्ताव राखेका थिए । जहाँ उनले तत्कालको लागि रोजेको मन्त्रालय लिन पनि प्रस्ताव राखेको बुझिएको छ ।

तर, गौतमले भने पोखरेलको प्रस्तावलाई अस्वीकार गरेका छन् । उनले यस्ता प्रस्ताव नराख्न पनि सुझाएको बताइएको छ ।

पार्टी विवादमा अप्ठ्यारोमा परेका ओलीले बामदेवलाई यसअघि पनि कहिले पार्टी अध्यक्ष त कहिले प्रधानमन्त्री बन्ने प्रस्ताव गरेका थिए ।