हामी सबैकाे संसारन्यूज

२४ मङ्सिर, काठमाडौँ । भारत र अष्ट्रेलिया बिच सिड्नीमा भएको तेस्रो टि-२० मा अष्ट्रेलियाले भारतलाई १२ रनले पराजित गरेको छ ।

टस हारेर पहिले ब्याटिङ्ग गरेको अष्ट्रेलियाले २० ओभरमा ५ विकेट गुमाएर १८६ रन बनाएको थियो । अष्ट्रेलियाका ओपनर म्याथ्यु वेडले यस टि-२० श्रृखलामा लगातार दोस्रो अर्धसतक बनाएका थिए भने अलराउण्डर ग्लेन म्याक्सवेलले पनि यस टि-२० श्रृखलामा पहिलो अर्धसतक बनाएका थिए । ओपनर म्याथ्यु वेडले ५३ बलमा ८० रन बनाएर आउट भएका थिए भने ग्लेन म्याक्सवेल ३६ बलमा ५४ रन बनाएर आउट भएका थिए । भारतका लागि बलिङ्गमा भने वाशिंगटन सुन्दरले २, टि नटराजन र युजवेन्द्र चाहलले १/१ विकेट लिन सफल भए ।

अष्ट्रेलियाले दिएको १८७ रनको लक्ष्य भारतले पुरै २० ओभर खेल्दा पनि पुरा गर्न सकेन । भारतले २० ओभरमा ७ विकेट गुमाएर १७४ रन मात्र बनाउन सक्यो । भारतका लागि कप्तान विराट कोहलीले सर्वाधिक ८५ रन बनाएका थिए भने अष्ट्रेलियाका लागि बलिङ्गमा मिचल स्विपशनले सर्वाधिक ३ विकेट लिएका थिए ।

तेस्रो टि-२० मा भारत पराजित भएता पनि ३ खेलको टि-२० श्रृखला भने २-१ ले आफ्नो नाममा गरेको छ ।