हामी सबैकाे संसारन्यूज

२४ मंसिर, काठमाडौं। प्रतिनिधिसभाको राज्य व्यवस्था तथा सुशासन समितिले एआइजीको दरबन्दी थप गर्ने गरि यसअधि गिरएकाे  निर्णय कार्यान्वयन नगर्न निर्देशन दिएको छ।

गृहमन्त्री रामबहादुर थापा बादललाको उपस्थीतिमा बुधबार बसेको राज्य व्यवस्था समितिलेको बैठकमा प्रहरी अतिरिक्त महानिरीक्षक एआइजीको दरबन्दी थप्ने भनि गरिएको निर्णय तत्कालका लागि कार्यान्वयन नगर्न समितिले निर्देशन दिएको हो ।

समितिका एक सदस्यका अनुसार प्रहरीभित्रै एआइजी दरबन्दी थप र बढुवा सिफारिसको विषयमा व्यापक असन्तुष्टि भएकाले सो निर्णय तत्काल कार्यन्वयनमा नल्याउन निर्देशन दिएको हो ।

सरकारले यसअघि नेपाल प्रहरीको संगठनात्मक संरचना (ओएण्डएम) स्वीकृत गर्दै नेपाल प्रहरीमा एक एआइजी र पाँच डिआइजीको दरबन्दी थप्ने निर्णय गरेको थियो।