Sansar News
काठमाडौं । जनता समाजवादीका नेता डा. बाबुराम भट्टराईले गणतन्त्र विरोधीलाई पुरानै अवस्था फर्किएर हेर्न सुझाब दिएका छन् । उनले गणतन्त्र विरोधी पुरातन सोंच हो भन्दै यस्तो सुझाब दिएका हुन् ।
सामाजिक सञ्जालमार्फत उनले पछिल्लो विज्ञान प्रविधि प्रयोग नगर्न, अस्ताल नजान, गाडी नचड्ढन, विदेशी मेसिनले सिलाएका लुगा नलगाउन र पछिल्लो आविष्कार फोन इन्टरनेट प्रयोग नगरेर हेर्न आग्रह गरेका छन् । उनका अनुसार यी सबै कुरा स्वीकार्य छ भने गणतन्त्र, संघीयता र धर्मनिरपेक्षतालाई पनि स्वीकार गर्नुपर्छ ।
गणतन्त्र/संघीयता/धर्मनिरपेक्षता इ. ळाई ‘विदेशी एजेण्डा’भन्नेहरूलाई सुझाव:१.विज्ञान/प्रविधि/विदेशी भाषा नपढ;गुरूकुल मात्र जाऊ;२.अस्पताल नजाऊ,धामीझांक्री लगाऊ;३.गाडी नचढ,पैदल मात्र हिंड;४ विदेशी/मशिनले सिएका लुगा नलाऊ,लगौंटी लगाएर हिंड;५.फोन/इन्टरनेट/टीभी प्रयोग नगर!नत्र वकवास नगर!
— Baburam Bhattarai (@brb1954) December 9, 2020
सामाजिक सञ्जालमार्फत उनले भनेका छन्, ‘गणतन्त्र, संघीयता र धर्मनिरपेक्षताळाई ‘विदेशी एजेण्डा’ भन्नेहरूलाई सुझाव : १. विज्ञान र प्रविधि/विदेशी भाषा नपढ । गुरूकुल मात्र जाऊ, २.अस्पताल नजाऊ, धामीझांक्री लगाऊ, ३. गाडी नचढ,पैदल मात्र हिंड, ४. विदेशी मशिनले सिएका लुगा नलाऊ, लगौंटी लगाएर हिंड, ५. फोन, इन्टरनेट र टीभी प्रयोग नगर, नत्र वकवास नगर !’
पछिल्लो समय देखिएको गणतन्त्र विरोधी प्रदर्शनप्रति भट्टराईले निकै आक्रामक टिप्पणी गर्ने गर्दछन् । उनी गणतन्त्र, संघीयता र धर्मनिरपेक्षताको विकल्प खोज्न नसकिने बुझाई राख्दछन् ।
वि.सं.२०७७ मंसिर २४ बुधवार १५:५६ मा प्रकाशित
