हामी सबैकाे संसारन्यूज

२४ मङ्सिर, काठमाडौँ । भारतीय क्रिकेट टिमलाई अन्तराष्ट्रिय क्रिकेट परिषद (आईसीसी) ले जरिवाना तिराएको छ ।

भारत र अष्ट्रेलिया बिच सिड्नीमा भएको तेस्रो टि-२० मा स्लो ओभरमा रेटका कारण आईसीसीले भारतीय क्रिकेट टिमलाई जरिवाना तिराएको हो । टस जितेर पहिले बलिङ्ग गरेको भारतले आफ्नो २० ओभर पुरा गर्नको लागि तोकिएको भन्दा बढि समय लिएको थियो ।

त्यही कारणले गर्दा भारतीय खेलाडीहरुको २० प्रतिशत म्याच फि काटिएको छ । भारतीय क्रिकेट टिमका कप्तान विराट कोहलीले पनि यस गल्तीलाई स्वीकारेका छन । यस अघि पनि भारत र अष्ट्रेलिया बिच भएको पहिलो एकदिवसीयमा स्लो ओभर रेटका कारण भारतीय टिमलाई आईसीसीले जरिवाना तिराएको थियो ।

तेस्रो टि-२० मा भने भारत अष्ट्रेलियासँग १२ रनले पराजित भएको थियो ।