हामी सबैकाे संसारन्यूज

३० मङ्सिर, काठमाडौँ । नेपाली युवा लेग स्पिनर सन्दिप लामिछाने बिग ब्यास लिग (बिबिएल) खेल्नेका लागि आज अष्ट्रेलिया जादैँ छन । नेपाली राष्ट्रिय टिमका व्यावस्थापक रमन शिवाकोटीका अनुसार सन्दिप लामिछाने कतार एयरवेजबाट ११ बजे काठमाडौँबाट अष्ट्रेलियाका लागि प्रस्थान गर्ने छन ।

सन्दिप लामिछाने भोली बुधबार एडिलेड पुग्ने छन । एडिलेडमा उनी १४ दिनका लागि क्वारेन्टाइनमा बस्ने । १४ दिन क्वारेन्टाइनमा बसे पछि मात्र उनी होबार्ट हुरिकेन्ससँग जोडिने छन ।

यस अघिका दुई सिजन मेलबर्न स्टार्सबाट बिग ब्यास लिग खेलेका सिन्दपलाई यस सिजन होबार्ट हुरिकेन्सले आफ्नो टिममा भित्राएको हो । उनले होबार्ट हुरिकेन्सका सुरुवाती ६ खेल गुमाउने छन ।

यस सिजनमा होबार्ट हुरिकेन्स अपराजित रहेको छ । होबार्ट हुरिकेन्स २ खेलबाट ७ अकं जोड्दैँ अकं तालिकाको दोस्रो स्थानमा रहेको छ ।