हामी सबैकाे संसारन्यूज

३० मंसिर, काठमाडौं । रियल मड्रिडका प्रशिक्षक जिनेदिन जिदानले आफुले इस्कोलाई पर्याप्त खेल समय नदिएको स्वीकार गरेका छन् । पछिल्ला तीन खेलमा इस्कालाई अतिरीक्त खेलाडीको रुपमा वामअप गरेको पनि देखिएन ।

पर्याप्त खेल समय नपाएको भन्दै क्लब छोड्ने समाचार बाहिर आई रहदा जिदानले आफुले उनलाई खेल समय दिन नसकेको बताएका हुन । ला लागि अन्तरगत एट्लेटिको विल्बाओसँगको खेल अगिको पत्रकार सम्मेलनमा उनले भनेका छन्, ‘इस्को महत्वपूर्ण खेलाडीको रुपमा रहनेछन्, यो सत्य हो कि उनले धेरै खेलिरहेका छैनन् र उनले आफू कस्तो खेलाडी हो भनेर देखाउनका लागि मैले उनलाई अवसर दिइरहेको छैन’ जिदानले भने, ‘मेरो खेलाडीका लागि म माफी माग्छु र उनीहरुसंग मैले जुन अनुभव गरेको छु त्यो म कहिल्यै बिर्सने छैन ।’

जिदानले टिममा अवसर पाउनको लागि इस्कोले अझै धेरै मेहेनत गर्नृपर्ने बगाएका छन्, ‘अर्को अवसरका लागि उनले कडा मेहनत गर्नुपर्छ तर बाहिर मिडियामा जे आइरहेको छ त्यसमा म प्रतिक्रिया दिन सक्दिन किनकी त्यसमा हाम्रो कन्ट्रोल छैन ।’

उनले आफूसँग राम्रा खेलाडी रहेकोले हरेक खेलाडिले राम्रो प्रदर्शन गर्नु बहेकको बिकल्प नरहेको बताएका छन् । रियलले च्याम्पियन्स लिगमा इटालियन क्लब एटलान्टासंग अन्तिम १६ मा प्रतिस्पर्धा गर्ने भएको छ ।