हामी सबैकाे संसारन्यूज

काठमाडौं । नेपाली कांग्रेसका वरिष्ठ नेता रामचन्द्र पौडेलले सरकार निरंकुशतातर्फ अघि बढेको टिप्पणी गरेका छन् । संवैधानिक परिषदसँग सम्बन्धित अध्यादेश जारी भएसँगै उनले यस्तो टिप्पणी गरेका हुन् ।

अध्यादेश ल्याइनुमा संवैधानिक निकायमा आफ्ना अनुकुलका मानिस भर्ति गर्ने कुसित मनसाय भएको पौडेलको भनाई छ । उनले अध्यादेश जारीप्रति घोर आपत्ति जनाएका छन् ।

संबैधानिक परिषदको मुल मर्म बिपरित संबैधानिक निकायमा आफु अनुकुलका मानिस भर्ने कुत्सित नियतका साथ संसद अधिवेशनलाई छल्नका लागि हतार हतारमा संवैधानिक परिषद सम्बन्धी अध्यादेश जारी गर्नु सर्वसत्तावाद र निरकुँशता तर्फ सरकार अगाडि बढेको थप प्रमाण हो। यस्ता कार्यको म घोर विरोध गर्दछु ।

— Ram Chandra Paudel (@NcPaudel) December 15, 2020

सामाजिक सञ्जालमार्फत पौडेलले भनेका छन्, ‘संबैधानिक परिषदको मुल मर्म बिपरित संबैधानिक निकायमा आफु अनुकुलका मानिस भर्ने कुत्सित नियतका साथ संसद अधिवेशनलाई छल्नका लागि हतार हतारमा संवैधानिक परिषद सम्बन्धी अध्यादेश जारी गर्नु सर्वसत्तावाद र निरकुँशता तर्फ सरकार अगाडि बढेको थप प्रमाण हो। यस्ता कार्यको म घोर विरोध गर्दछु ।’