हामी सबैकाे संसारन्यूज

पुस १, काठमाडाैं।संघीय संसदको विशेष अधिवेशनको माग गर्दै नेकपाका केही सांसद राष्ट्रपति कार्यालय शीतल निवास पुगेका छन् । नेकपा सांसद भीम रावल र पम्फा भुसालसहितको टोली सांसदहरुको हस्ताक्षरसहित राष्ट्रपति कार्यालय पुगेका हुन् ।

संविधानको धारा ९३ (३) अनुसार संसदको कुल संख्याको एक चौथाई सदस्यको हस्ताक्षरसहित माग गरेको खण्डमा राष्ट्रपतिले अधिवेशन बोलाउनु पर्ने हुन्छ । सोहीअनुसार सांसदहरु राष्ट्रपति कार्यालय पुगेको नेकपाका प्रमुख सचेतक देव गुरुङ्गले जानकारी दिएका ।

मंगलबार सरकारले संवैधानिक परिषदसँग सम्बन्धित अध्यादेश ल्याएसँगै अध्यक्ष पुष्पकमल दाहाल ‘प्रचण्ड’सहितका नेकपा सचिवालयका पाँच जना सदस्यले तिव्र असन्तुष्टी जनाएका थिए ।

बुधबार स्थायी समिति बैठक अघि पनि प्रचण्ड र अर्का अध्यक्ष एवं प्रधानमन्त्री केपी शर्मा ओलीबीच छलफल चलेको थियो । तर, छलफल सकारात्मक नभएसँगै नेकपाका सांसदहरु राष्ट्रपति कार्यालय पुगेका हुन् ।