Sansar News
काठमाडौं । सत्तारुढ नेपाल कम्युनिष्ट पार्टी (नेकपा)को स्थायी समिति बैठक सुरु भएको छ । अपरान्ह १ बजेका लागि बोलाइएको बैठक तीन घण्टापछि सुरु भएको हो । बैठकमा प्रधानमन्त्रीसमेत रहेका पार्टी अध्यक्ष केपी शर्मा ओली पनि उपस्थित भएका छन् ।
यसअघि बैठकका एजेण्डाप्रति असहमती राख्दै ओली उपस्थित हुन मानेका थिएनन् । ओली बैठकमा उपस्थित नभएसँगै बैठक बस्न सकिरहेको थिएन ।
बैठकमा आउन अस्वीकार गरेसँगै अर्का अध्यक्ष पुष्पकमल दाहाल ‘प्रचण्ड’ले आज मात्रै ओलीसँग दुई पटक छलफल गरेका छन् । पछिल्लो छलफलमा महासचिव विष्णु पौडेल पनि सहभागी भएका थिए ।
पछिल्लो छलफलसँगै ओली बैठकमा सहभागी भएका हुन् । निकै असहमत देखिएका ओली बैठकमा सहभागी हुनुलाई ओली र प्रचण्डबीच केहि समझदारी भएको आकंलन गरिएको छ ।
वि.सं.२०७७ पुस १ बुधवार १६:२८ मा प्रकाशित
