हामी सबैकाे संसारन्यूज

पुस १, काठमाडाैं। प्रधानमन्त्री केपी शर्मा ओली मंगलबार ल्याइएको संवैधानिक परिषद्सम्बन्धी अध्यादेश फिर्ता लिन तयार भएका छन् । अर्का अध्यक्ष पुष्पकमल दाहाल ‘प्रचण्ड’सँगको छलफल पछि उनी तयार भएको नेकपाका एक स्थायी समिति सदस्यले जानकारी दिएका छन् ।

छलफलमा प्रचण्ड पक्ष विशेष अधिवेशन बोलाउने अभियानबाट पनि पछि हटेको जनाइएको छ ।

राष्ट्रपति विद्यादेवी भण्डारीले यसअघि विवादमा आएको संवैधानिक परिषदसँग सम्बन्धीत अध्यादेश मंगलबार अपरान्ह जारी गरेकी थिइन् । अध्यादेशमा संवैधानिक परिषदसम्बन्धी ऐनको दफा ६ को उपदफा ३ लाई संशोधन गरी अध्यक्ष (प्रधानमन्त्री)सहित तत्काल बहाल रहेका बहुमत सदस्य उपस्थित भएमा परिषदको बैठक गर्न मिल्ने व्यवस्था छ ।

जुन व्यवस्थाप्रति प्रचण्ड पक्षले आपत्ति जनाएको थियो ।

पछिल्लो सहमतीसँगै ओली स्थायी समिति बैठकमा पनि सहभागी भएका छन् ।