हामी सबैकाे संसारन्यूज

२ पुस, काठमाडौं । राष्ट्रिय प्रजातन्त्र पार्टीको आज बसेको केन्द्रीय सचिबालय कार्य व्यवस्था समितिको बैठकले हिन्दुराष्ट्र र राजसंस्था पुनःस्थापनाको लागि देशव्यापी जनप्रदर्शन गर्ने निर्णय गरेको छ । तीन अध्यक्षको उपस्थितिमा भएकाे  बैठकमा राप्रपाले सरकार बिरोधि विभिन्न कार्यक्रमको घोषणा गरेको छ ।

राप्रपाले बर्तमान केपी शर्मा ओली नेतृत्वको सरकारले भ्रष्टाचार नियन्त्रण, धर्म परिवर्तन, कोरोना महामारी नियन्त्रण, वेरोजगारी समस्या समाधान गर्न नसकको निष्कर्षका साथ बिरोधका कार्यक्रमहरु अधि सारेको छ । राप्रपाले सरकारको असफलता एवं उदासिनता तथा सनातन हिन्दुराष्ट्र र संवैधानिक राजसंस्था पुनःस्थापनाको निमित्त पहिलो चरणमा देशव्यापी जनप्रदर्शन र संघर्ष गर्ने निर्णय गरेको छ ।

जसअन्तरगत राप्रपाले पुस १२ गते ७७ वटै जिल्ला प्रशासन कार्यालयमार्फत नेपाल सरकार समक्ष ज्ञापनपत्र बुझाउने, १२ देखि २१ गते सम्म जिल्ला सदरमुकाम र ठूला शहरहरुमा मोटरसाईकल ¥याली निकाल्ने र १५ देखि २५ भित्र जिल्ला सदरमुकाममा जनप्रदर्शन गर्ने निर्णण गरेको छ ।