हामी सबैकाे संसारन्यूज

२ पुस, काठमाडौं । नेपाली राष्ट्रिय क्रिकेट टिमको मुख्य प्रशिक्षकमा डेभ वाटमोर नियुक्त भएका छन् । नेपाल क्रिकेट संघ (क्यान)ले बिहिबार एक वक्तव्य जारी गर्दै वाटमोरलाई मुख्य प्रशिक्षक नियुक्त गरेको जानकारी गराएको छ ।

केहि समय अघिबाट मुख्य प्रशिक्षक नियुक्तमा लागेको क्यानले वाटमोरलाइ नयाँ प्रशिक्षकमा नियुक्त गरेको हो । उनिसहित १२ जना मुख्य प्रशिक्षकका लागि प्रतिस्पर्धामा थिए । क्यानका अनुसार नेपालका पूर्व प्रशिक्षक पुवुदु दशानायके, अपूर्व सुबोधभाइ देसाइ, नेइल क्याक्रेइ लगायतले पनि नेपालको प्रशिक्षक बन्न इछा देखाउदै अन्तर्वार्ता दिएका थिए ।

नयाँ प्रशिक्षकको रुपमा नियुक्त भएका वाटमोरको तलब मासिक १० हजार डलरको आसपास हुने बताइएको छ । क्यानले कर लगायतका अन्य विषयको टुंगो लागेपछि उनको लागि कति खर्चहुने जानकारी दिन सकिने बताएको छ । यस्तै क्यानको महाप्रवन्धकमा रौनक मल्ल र क्रिकेट म्यानेजरमा विनोद दास नियुक्त भएका छन् । तीनै जनाकोअवधि २०२१ को जनवरी १ बाट लागू हुनेछ ।

वाटमोरसँग श्रीलंका, बंगलादेश, भारतले यू–१९ , पाकिस्तान,जिम्बाब्वे लागाएत अन्य लिग क्लबहरुको प्रशिक्षक बनेको अनुभव रहेको छ । २०२० फेब्रअरीदेखि सिंगापुर क्रिकेट टिमको मुख्य प्रशिक्षक रहेका वाटमोर को गर्विलो क्रिकेटि इतिहास रहेको छ । नेपाली टिममा क्षमतवान खेलाडीहरु रहेको र क्रिकेटमा नेपालको भविश्य उज्जल भएकाले वाटमोर नयाँ चुनौतीका लागि नेपालको प्रशिक्षक बन्न इछा ब्यक्त गर्दै आएका थिए ।