हामी सबैकाे संसारन्यूज

२ पुस, काठमाडौं । नेपालमा विहिबार ( २ पुस) सम्म पिसीआर प्रविधिबाट १८ लाख ५५ हजार ७२४ वटा कोरोना भाइरसको नमुना परीक्षण गरिएको छ ।

जसमा पछिल्लो २४ घण्टामा पिसीआर प्रविधिबाट ६ हजार ५८८ वटा नमुना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ ।

त्यसैगरी हालसम्म देशैभरी संक्रिय संक्रमित ९ हजार ५८० जना रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ३ हजार ६९७ जनाको उपचार भइरहेको छ । साथै होम आइसोलेसनमा बस्नेको संख्या ५ हजार ८८३ रहेको छ ।

त्यस्तै देशभरका विभिन्न अस्पतालको आइसीयुमा २८१ जना संक्रमित उपचाररत छन् ।

मन्त्रालयका अनुसार प्रदेश १ मा २५, प्रदेश २ मा ११, बागमती प्रदेशमा १११, गण्डकी प्रदेशमा ८२, लुम्बिनी प्रदेशमा ४०, कर्णाली प्रदेश र सुदूरपश्चिममा ६÷६ जना गरी जम्मा २८१ जना आइसीयुमा उपचाररत छन् ।

त्यसैगरी प्रदेश १ मा ७ जना, प्रदेश २ मा २ जना, बागमती प्रदेशमा २७ जना, गण्डकी प्रदेशमा १२ जना, लुम्बिनी प्रदेशमा ४ जना, कर्णाली प्रदेशमा ५ जना र सुदूरपश्चिम प्रदेशमा २ जना गरी जम्मा ५९ जना भेन्टिलेटरमा उपचाररत छन् ।

त्यस्तै ५०० भन्दा बढी संक्रमित उपचार रहेको जिल्ला काठमाडौं ललितपुर र कास्की रहेका छन् ।

यसैगरी क्वारेन्टिनमा ४४४ जना रहेका छन् भने शून्य संक्रमित रहेको जिल्ला मनाङ रहेको छ ।

त्यस्तै आज थपिएका ७७६ जनासँगै नेपालमा हालसम्मको कूल संक्रमितको संख्या २ लाख ५१ हजार ६९२ पुगेको छ । साथै आज ९४७ जना निको भएसँगै नेपालमा हालसम्म कोरोना संक्रमणबाट मुक्त हुनेको संख्या २ लाख ४० हजार ३६३ पुगेको छ ।

आज ६ जना थपिएसँगै नेपालमा हालसम्म कोरोना संक्रमणबाट ज्यान गुमाउनेको संख्या १७४९ पुगेको छ ।

आज देशैभरी ७७६ जनामा कोरोना संक्रमण,९४७ जना संक्रमण मुक्त
आज देशैभरी थप ७७६ जनामा कोरोना संक्रमण पुष्टि भएको छ ।

पछिल्लो २४ घण्टामा देशैभरी गरिएको ६ हजार ५८८ नमुना परीक्षणमा उपत्यकाका ३६३ जनासहित ७७६ जना नयाँ संक्रमित थपिएका हुन् ।
जसमा प्रदेश १ मा ६८, प्रदेश २ मा ७, बागमती प्रदेशमा ४१९, गण्डकी प्रदेशमा ९०, लुम्बिनी प्रदेशमा ७९, कर्णाली प्रदेशमा १६ र सुदुरपश्चिम प्रदेशमा ९७ जना संक्रमित थपिएका हुन् ।

आज थपिएका ७७६ जनासँगै नेपालमा कुल संक्रमितको संख्या २ लाख ५१ हजार ६९२ पुगेको छ ।
त्यसैगरी आज देशैभरी ९४७ जना कोरोना संक्रमणबाट मुक्त भएका छन् । आज निको भएका ९४७ जनासँगै हालसम्म निको हुनेको संख्या २ लाख ४० हजार ३६३ पुगेको छ । स्वास्थ्य तथा जनसंख्या मन्त्रालयका अनुसार निको हुनेको यो दर ९५.५ प्रतिशत हो ।

कति छन् त होम आइसोलेसनमा ?
स्वास्थ्य मन्त्रालयका अनुसार हालसम्म ५ हजार ८८३ जना कोरोना संक्रमित होम आइसोलेसनमा रहेका छन् ।
जसमा प्रदेश १ मा ३२६, प्रदेश २ मा ३५, बागमती प्रदेशमा ३,११९, गण्डकी प्रदेशमा ८९४, लुम्बिनी प्रदेशमा ७७९, कर्णाली प्रदेशमा ९६ र सुदूरपश्चिम प्रदेशमा ६३४ जना गरी ५ हजार ८८३ जना रहेका छन् । साथै देशका विभिन्न अस्पताल तथा आइसोलेसन सेन्टरमा ३ हजार ६९७ जनाको उपचार भइरहेको छ ।

नेपालमा कोरोनाबाट ज्यान गुमाउनेको संख्या घट्दै, आज ६ जनाकोृ मृत्यु
नेपालमा पछिल्लो समय कोरोना संक्रमणबाट ज्यान गुमाउनेको संख्या घट्दै गएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६ जनाले ज्यान गुमाएका हुन् । यो संख्या पछिल्ला केही दिन यताको सबैभन्दा कम हो ।
मन्त्रालयका अनुसार आज ६ जनाको मृत्यु भएसँगै नेपालमा हालसम्म कोरोनाबाट ज्यान गुमाउनेको संख्या १७४९ पुगेको छ ।

यस्तो छ हेर्नुहोस् नेपालमा हालसम्मको कोरोना अपडेटको पूर्ण विवरण