Sansar News
काठमाडौं । प्रधानमन्त्री केपी शर्मा ओली र राष्ट्रपति विद्यादेवी भण्डारीलाई भेट्न शितल निवास पुगेका छन् । उनी भण्डारीलाई भेट्न शनिबार साँझ शितल निवास पुगेका हुन् । राष्ट्रपति कार्यालयले जनाएअनुसार उनी साँझ साढे ५ बजे शीतल निवास पुगेका थिए ।
यसअघि ओली शनिबार बिहानैदेखि नेकपाका नेताहरुसँग भेटवार्ताका लागि जुटेका थिए । उनले बिहान अर्का अध्यक्ष पुष्पकमल दाहाल प्रचण्डलाई उनकै निवास खुमलटारमा पुगेर भेटेका थिए भने त्यहाँबाट फर्किए लगत्तै उनले गृहमन्त्री रामबहादुर थापालाई मन्त्री क्वाटरमै पुगेर भेटेका थिए ।
पार्टी विवाद चर्किरहेको बेला उनले अर्का अध्यक्ष प्रचण्डसँग केहि प्रस्ताव राखेको बुझिएको छ । जनाइएअनुसार प्रचण्डलाई उनले पार्टी बैठकमा प्रस्तुत गरिएको राजनीतिक प्रस्ताव फिर्ता लिन र मिल्न आग्रह गरेका थिए ।
तर, छलफलमा प्रचण्डले ओलीको प्रस्तावलाई स्वीकार नगरेको बुझिएको छ । ओली स्वंयले पनि आफ्नो अडान दोहोर्याएको जानकारी प्राप्त भएको छ ।
दिनभरको छलफलपछि ओली र भण्डारीबीच साँझ भएको छलफललाई निकै अर्थपूर्णं रुपमा हेरिएको छ । जनाइएअनुसार दुईबीच पार्टीको आन्तरिक विवाद र अध्यादेश प्रकरणबारे छलफल भएको छ ।
सम्बन्धित समाचार
प्रचण्डसँग छलफल गर्न खुमलटारमा ओली
प्रचण्ड निवासको गेटमा ओली र नेपालबीच जम्काभेट
वि.सं.२०७७ पुस ४ शनिवार २०:०२ मा प्रकाशित
