Sansar News
काठमाडौं । सत्तारुढ नेकपाका अध्यक्ष पुष्पकमल दाहाल ‘प्रचण्ड’ले संसद विघटन गर्ने सरकारको कदमप्रति छलफल गर्न नेकपाका नेताहरुलाई बोलाएका छन् । प्रचण्डका प्रेस सल्लाहकार विष्णु सापकोटा जुगलका अनुसार नेताहरु प्रचण्ड निवास खुमलटारमा जम्मा हुँदैछन् ।
उनका अनुसार सचिवालयका केहि नेताहरु प्रचण्ड निवास आईसकेका छन् । सामुहिक छलफलपश्चात नै प्रधानमन्त्री केपी शर्मा ओलीले लिएको कदमबारे धारणा सार्वजनिक गर्ने तयारी गरिएको छ ।
आइतबार बिहान बसेको मन्त्रिपरिषदको आकस्मिक बैठकले संसद विघटन गर्न राष्ट्रपति समक्ष सिफारिस गर्ने निर्णय गरेको थियो ।
सम्बन्धित समाचार
संसद विघटनको प्रस्ताव बोकेर प्रधानमन्त्री ओली शितल निवासमा
संसद विघटनको सिफारिस गरेका प्रधानमन्त्री ओलीलाई भेट्न प्रचण्ड बालुवाटारमा
वि.सं.२०७७ पुस ५ आइतवार ११:४७ मा प्रकाशित
