हामी सबैकाे संसारन्यूज

५ पुस, काठमाडौं । लियोनल मेसीले एकै क्लबका लागि पेलेले गरेको सर्वाधिक गोलको कीर्तिमानीसँग बराबरी गरेका छन् । उनले शनिबारको खेलमा भ्यालेन्सिया बिरुद्ध गोल गर्दै पेलेको कीर्तिमानीसँग बराबरी बनाएका हुन् ।

मेसी १७ सिजन बार्सिलोनामा रहदै ७ सय ४८ खेलमा ६ सय ४३ औं गोल गर्न सफल भएका हुन् ।  जुन पेलेले सान्तोसका लागि गरेको गोलको बराबरी हुन आउछ । पेलेले  सन् १९५६ देखि १९७४ बीच  ब्राजिलको सान्तोसका लागि १९ सिजन खेल्दै  ६ सय ४३ गोलको कीर्तिमानी बनाएका थिए ।

यो कीर्तिमानीसँग बराबरी बनाएसँगै मेसी पेलेलेनै बनाएको अर्को कीर्तिमानीको नजिक रहेका छन् । पेलेले साउथ अमेरिकन फुटबलरमा आफ्नो देशका लागि सर्वाधिक ७७ गोल गरेका छन् । उनको उक्त कीर्तिमानीलाई पछाउदै मेसीले हालसम्म ७१ गोल गरिसकेका छन् ।

मेसीले पेलेको कीर्तिमानीसँग बराबरी गरेको खेलमा पहिलो हाफको २९ औं मिनेटमा बार्सिलोना पछि परेको थियो । पहिलो हाफकै इन्जुरी टाइममा बार्सिलोनाले पेनाल्टि पाउदा गोल गर्न चुकेका मेसीले रिफ्लेक्टेड बलमा जोडी अल्बाको पासमा हेडर गोल गरेका थिए ।