हामी सबैकाे संसारन्यूज

५ पुस, काठमाडौं । नेपालमा आज ५८८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशैभरी गरिएको ४ हजार ६२० नमुना परीक्षणमा उपत्यकाका २३८ जनासहित देशैभरी ५८८ जना कोरोना संक्रमित थपिएका हुन् । जसमा महिला २३५ र पुरुष ३६५ जना रहेका छन् ।

मन्त्रालयका अनुसार आज प्रदेश १ मा ४५, प्रदेश २ मा १०, बागमती प्रदेशमा २७१, गण्डकी प्रदेशमा ५८, लुम्बिनी प्रदेशमा ९१, कर्णाली प्रदेशमा शून्य र सुदूरपश्चिम प्रदेशमा ११५ जना रहेका छन् ।

आज थपिएका ५८८ जनासँगै नेपालमा कोरोना संक्रमितको कूल संख्या २ लाख ५३ हजार ७७२ पुगेको छ ।

त्यसैगरी आज देशैभरी १०९७ जना कोरोना संक्रमित संक्रमणबाट मुक्त भएका छन् । आज निको भएका १०९७ जनासँगै नेपालमा कोरोना संक्रमणबाट मुक्त हुनेको कुल संख्या २ लाख ४३ हजार ६६४ पुगेको छ । निको हुनेको यो दर ९६. प्रतिशत हो ।

आज देशैभरी ७१० जनामा कोरोना संक्रमण, ११७५ जना संक्रमणबाट मुक्त