हामी सबैकाे संसारन्यूज

काठमाडौं । संसद विघटन गर्नुपूर्व नै प्रधानमन्त्री केपी शर्मा ओलीविरुद्व अविश्वासको प्रस्ताव दर्ता भएको खुलेको छ । संसद विघटनको निर्णय गर्नुपूर्व आइतबार बिहान १०ः५० मा उनीविरुद्व अविश्वासको प्रस्ताव दर्ता भएको पाइएको हो ।
जानकारीअनुसार उनीविरुद्व नेकपाकै ८९ सांसदले अविश्वासको प्रस्ताव दर्ता गराएका थिए ।

जसको सूचना पाए लगत्तै ओलीले मन्त्रिपरिषदको आकस्मिक बैठक बसाली संसद विघटन गर्नको लागि सिफारिस गरेका थिए ।

यसअघि मंसिर ३० मा ओलीले संवैधानिक परिषदसम्बन्धी अध्यादेश ल्याएसँगै उनीविरुद्व नेकपाका अर्का अध्यक्ष पुष्पकमल दाहाल ‘प्रचण्ड’सहितका नेताहरु आक्रामक रुपमा लागेका थिए । पुस १ मा बसेको स्थायी समिति बैठकमा उनले उक्त अध्यादेश फिर्ता गर्ने निर्णय गरेसँगै वातावरण केहि सामान्य भएको थियो ।

तर, ओलीले अध्यादेश फिर्ता नगर्ने र संवैधानिक निकायमा नियुक्तीको प्रक्रिया अगाडि बढाएसँगै थप संकट बढेको हो । संसद विघटन त्यसैको निरन्तरताको घटना भएको जानकारको बुझाई छ ।