हामी सबैकाे संसारन्यूज

६ पुस, काठमाडौं । स्पेनिस ला लिगा अन्तरगत गएराती भएको खेलमा रियल म्याड्रिडले एइवरमाथि ३–१ को जित निकालेको छ । फ्रेन्च स्ट्राइकर करिम बेन्जेमाको एक गोल र दुई असिस्टमा रियलले ३ गोल ग¥यो ।

रियलको जितमा करिम बेन्जेमाले खेलकाे छैटौ मिनेटमा गोल गर्दै खेलमा अग्रता दिलाएका थियो । त्यस्तै १३औं मिनेटमा लुका मोड्रिच र दोस्रो हाफको इन्जुरी समयमा करिम बेन्जेमाको पासमा लुकास भास्क्वेजले गोल गर्दै रियललाई जित दिलाएका थिए । एइवरको घरेलु मैदानमा भएको खेलमा किकेले खेलको २८औं मिनेटमा गोल गरेपनि त्यो हार टार्न पर्याप्त बनेन ।

रियलले पछिल्ला खेलहरुमा लय लिदै खेलमा जित हात पार्दै आएको छ यो उसको लागातार चौथो जित हो । च्याम्पियनस लिगमा महत्वपूर्ण खेलमा जित हात पार्दै लय लिएको रियल २९ नोभेम्वरमा एलाभेससँग २–१ ले पराजित भएयता कुनै पनि खेल गुपाएको छैन । रियलले यसअघि सेभिया, एट्लेटिको म्याड्रिड र एथलेटिको बिल्वाओलाई पराजित गरेको थियो ।

यो जितसँगै रियलको १४ खेलमा ९ जित, २ बराबरी र ३ हारका साथ २९ अंक रहेको छ । शीर्षस्थानमा रहेको एट्लेटिको म्याड्रिडको समन अंक रहेपनि गोल अन्तरमा अघि रहेको छभने एट्लेटिकोले रियल भन्दा दुई खेलकम खेलेको छ ।