Sansar News
काठमाडौं । नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल पक्षीय सांसदहरुको भेला सकिएको छ । नयाँ बानेश्वरस्थित ल्होत्से हलमा भएको भेलाले संसद विघटन भएको अस्वीकार गर्दै संसद अधिवेशन बोलाउन माग गर्ने निर्णय गरेको छ ।
भेलाले प्रतिनिधिसभा विघटन गर्ने प्रधानमन्त्री केपी शर्मा ओली र राष्ट्रपति विद्यादेवी भण्डारीको कदम असंवैधानिक भएको ठहर गर्दै अस्वीकार गर्ने निर्णय गरेको छ । भेलाले निर्धारित तालिकाअनुसार संसदको अधिवेशन बोलाउन माग गर्ने निर्णय गरेको छ ।
सोमबार सकिएको भेलाले बुधबारलाई संसदीय दलको बैठक बोलाउने पनि निर्णय गरेको छ ।
भेलामा प्रतिनिधि सभाका ९० र राष्ट्रिय सभाका २४ सांसदहरुको उपस्थिति थियो ।
वि.सं.२०७७ पुस ६ सोमवार १६:५० मा प्रकाशित
