हामी सबैकाे संसारन्यूज

काठमाडौं । नेपाल कम्युनिष्ट पार्टी (नेकपा)को बहुमत पक्षका केन्द्रीय समितिका सदस्यको बैठकले पूर्वसभामुख कृष्णबहादुर महरालाई स्थायी समिति सदस्य बनाउने निर्णय गरेको छ । बैठकपछि पत्रकारसँगको कुराकानीमा पार्टी प्रवक्ता नारायणकाजी श्रेष्ठले महरालाई सर्वसम्मतीले स्थायी समिति सदस्य बनाउने निर्णय गरेको बताए ।

‘कृष्णबहादुर महरालाई रिक्त एक सदस्यमा मनोनित गर्ने स्थायी समितिको निर्णयलाई बैठकले सर्वसम्मतीले अनुमोदन गरेको छ ’, श्रेष्ठले भने ।
यसअघि बसेको स्थायी समिति बैठकमा महराको नाम प्रस्ताव गरिएको थियो ।

महरा सभामुखमा नियुक्ती भएसँगै तत्कालिन नेकपा माओवादीबाट राजीनामा दिएका थिए । सभामुखबाट बाहिरिएसँगै पनि उनी राजनीतिमा सक्रिय थिएनन् । यसबीच पूर्वमाओवादी समुह उनलाई राजनीतिमा ल्याउन बनाउन निरन्तर लागिरहेको थियो ।