हामी सबैकाे संसारन्यूज

९ पुष, काठमाडौँ । नेकपाकी नेतृ तथा सांसद उषाकला राईले केपी शर्मा ओलिपक्षको केन्द्रीय सदस्यमा बस्न अस्वीकार गरेकी छन् ।

यसअघि ओलि पक्षको बैठकमा सामेल भएको भनिएकी राईले सामाजिक सञ्जालमा सार्वजनिक सूचना जारी गरी उनले प्रधानमन्त्री केपी ओलिले केन्द्रीय सदस्यमा आफ्नो नाम राखेकोमा धन्यवाद दिँदै तर उक्त पदमा बस्न बस्न नसक्ने बताएकी छन् ।

‘यो कम्युनिस्ट आन्दोलनमा म लागेको पनि चार दशक भएको छ तर पद र पैसा केहि होईन जनताको दुई पैसा खाईन्न बरु भोकै मर्न तयार हुनुपर्छ भन्ने हाम्रो मान्यता छदैछ। सबै प्रकारका गलत कुराहरु मुख्य गरेर भ्रस्टाचार अन्त्य गर्ने र समृद्धिको मुद्दाहरू अगाडि बढाई रहेका थियौं । तर आज त्यो अलपत्र परेको छ।’ राईले भनेकी छन् ‘यो बिचको बिकशित राजनितिक परिघट्नामा संम्माननीय प्रधानमन्त्री केपि कमरेडले मलाई पत्याएर केन्द्रीय कमिटी जस्तो उच्च ओहोदामा राख्नु भएकोमा हृदय बाट कृतग्य जाहेर गर्दछु । तर मेरो ग्यानोभावले उक्त पदमा रहेर जिम्मेवारी सम्हाल्न म असमर्थ महशुस भएको छ त्यसकारण बिनम्रताका साथ उक्त केन्द्रिय कमिटी सदश्य म नरहेको सबैमा अनुरोध गर्दछु ।’

केपी पक्षको नेकपामा नरहने भन्दै दुई दर्जन बढीले केन्द्रीय सदस्य पद इन्कार गर्ने घोषणा गरेका छन् ।