Sansar News
पुस १०, काठमाडौं । प्रचण्ड–नेपाल समुह तिर गएका प्रभु शाह पनि मन्त्री बन्ने भएका छन् । प्रधानमन्त्री केपी शर्मा ओलीले शुक्रबार मन्त्रिपरिषद विस्तार गर्दै उनलाई श्रममन्त्रालयको जिम्मेवारी दिएका हुन् ।
मधेशमा प्रभावशाली नेताको पहिचान बनाएका शाह पार्टी विभाजनसँगै प्रचण्ड–नेपाल समुहमा लागेका थिए । तर, उनले प्रचण्ड–नेपाल समुहको केन्द्रीय समिति बैठकले माधवकुमार नेपाललाई अध्यक्ष बनाउने निर्णय गरेसँगै आपत्ति जनाएका थिए ।
उनले विज्ञप्ती नै सार्वजनिक गर्दै प्रचण्ड र पूर्वमाओवादी समुहको आलोचना गरेका थिए ।
पार्टी निर्माणकै प्रक्रियामा नै रहेको बेला उनले गरेको विद्रोहलाई अन्य ढंगले पनि विश्लेषण गरिएको थियो । जसको पुष्टी आजको मन्त्रिपरिषद विस्तारसँगै भएको देखिन्छ ।
सम्बन्धित समाचार
प्रचण्ड–नेपाल समुहमा देखियो किचलो, प्रचण्डले गल्ती दोहोर्याएको भन्दै प्रभु शाहले निकाले विज्ञप्ती
वि.सं.२०७७ पुस १० शुक्रवार १८:०३ मा प्रकाशित
