हामी सबैकाे संसारन्यूज

११ पुष, काठमाडौं । राष्ट्रिय परीक्षा बोर्डले कक्षा १२ को परीक्षा दिन छुटेका विद्यार्थीले आउँदो १६ गतेदेखि परीक्षा दिन पाउने गरि तालिका सार्वजनिक गरेको छ ।

बोर्डले कोरोनाको कारण यसअघि परीक्षा दिन नपाएका विद्यार्थीलाई सरकारले तोकेको स्वास्थ्य सुरक्षा सम्बन्धित मापदण्ड र सामाजिक दुरीको पालना गरी पुस १६ गतेदेखि परीक्षा दिन पाउने गरी तालिका सार्वजनिक गरेको हो ।

बोर्डका प्रदेश परीक्षा व्यवस्थापन कार्यालय एवम् शाखा कार्यालयहरुले समेत आ–आफ्नो मातहतमा रहेका विद्यालयहरुलाई जानकारी गराउन समेत अनुरोध गरेको छ ।

कक्षा १२ को परीक्षा गएको मंसिर ९ गतेदेखि १६ गतेसम्म सञ्चालन भएको थियो ।