Sansar News
११ पुष, काठमाडौँ । हुम्लाका सांसद छक्क बहादुर लामाले पनि प्रधानमन्त्री केपी शर्मा ओलीको साथ छाडेका छन् ।
प्रधानमन्त्री केपी शर्मा ओलि समूहको केन्द्रीय आयोजक सदस्यमा नाम परेका लामाले प्रेस वक्तव्य जारी गर्दै ओलि समूहमा आफू नरहने भन्दै प्रचण्ड–नेपाल पक्षमै रहेको जनाएका छन् ।
उनले आफू प्रचण्ड–माधव समूहको नेकपामै यथावत रहेको जनाउँदै बाहिर आएको हल्लाको भ्रममा नपर्न सबै पार्टी कार्यकतालाई आग्रह गरेका छन् ।
ओली समूहले केन्द्रीय आयोजक सदस्यमा मनोनित गरेकोमा सम्मानप्रति धन्यवाद व्यक्त गर्दै उनले सम्पूर्ण सम्पूर्ण कार्यकर्तालाई प्रचण्ड नेपालको मूल पार्टीमा एकताबद्ध भएर बस्न समेत अनुरोध गरेका छन् ।
लामाको नाम ओलि समूहको केन्द्रीय आयोजक समितिमा राखिएपछि जनताले उनलाई जिल्ला प्रवेशमै रोक लगाएका थिए ।
वि.सं.२०७७ पुस ११ शनिवार १६:३० मा प्रकाशित
