हामी सबैकाे संसारन्यूज

पुस १२, काठमाडौं । संसद विघटन गर्ने सरकारको निर्णयविरुद्व जनता समाजवादी पार्टी नेपालले प्रदर्शन गरेको छ । जसपाले आइतबार राजधानी काठमाडौंमा विरोध प्रदर्शन गरेको हो ।

जसपाको गत मंगलबार बसेको केन्द्रीय कार्यकारिणी समितिको बैठकले संसद विघटनविरुद्व आन्दोलन गर्ने घोषणा गरेको थियो । जसअन्तर्गत आज प्रदर्शन गरेको हो ।

यसअघि शुक्रबार जसपाले देशव्यापी प्रधानमन्त्री केपी शर्मा ओली र राष्ट्रपति विद्यादेवी भण्डारीको पुत्ला दहन गरेको थियो भने शनिबार मसाल जुलुस निकालेको थियो ।

जसपाले संसद विघटन गर्ने सरकारको कदम असंवैधानिक, अलोकतान्त्रिक र प्रतिगमनकारी भएको भन्दै विरोध गरेको हो । जसपाले यसअघि नै सरकारद्वारा विघटित प्रतिनिधि सभाका सभामुख अग्निप्रसाद सापकोटालाई भेटेरै संसद बैठक आव्हान गर्न माग गरेको थियो ।

यस्तो देखियो जसपाले राजधानीमा गरेको प्रदर्शन