हामी सबैकाे संसारन्यूज

जनताले बाटो देखाए उनी राजधानी पुगे,
खै एक्लै देखिए पनि सँग सँगै बेमानी पुगे ।

जनता अधिकारकै लागि आँ गरेका बेला,
त्यँहा कलो खोज्दै उनैका खानदानी पुगे ।

भन्छन हामिलाई छिमेकिले झुक्यायो सधै,
प्रष्टै छ दलाली गर्न आफै जानि जानि पुगे ।

हो उन्ले आफूलाई मान्छे होईन बाघ सम्झे,
जनताको घर दैलोमै भेडा बाख्रा ठानि पुगे ।

हाम्रो देशका दुश्मनहरु थोरै थिएनन के हो,
त्यसैले घरमा लोभी लाछि छानि–छानी पुगे ।

हिँजो बहादुर र बिरहरुको कथा सुनेकालाई,
आज बिदेशी दलाल लेण्डुपको कहानी पुगे ।

जनताले तानाशाहीका बिरुद्ध चुनेर पठाएकै,
खटाक खुटुक उस्तै भएका आनि बानी पुगे ।