हामी सबैकाे संसारन्यूज

पुस १२, काठमाडौं । राष्ट्रिय प्रजातन्त्र पार्टीका अध्यक्ष कमल थापाले संगठित रुपमा भैरहेको धर्मपरिवर्तनप्रति प्रश्न उठाएका छन् । उनले सनातीनक धर्म संस्कृतिमाथि भएको आक्रमणले असह्य पीडा भएको बताए ।

२००७ सालमा २ दर्जनको संख्यामा रहेको क्रिश्चियन समुदाय अहिले ४० लाख पुगेको उनको भनाई छ । संगठित रुपमा भैरहेको धर्म परिवर्तनले यस्तो अवस्था आएको थापाले बताए ।

सामाजिक सञ्जालमार्फत थापाले सनातनीक धर्ममाथि भएको आक्रमणबाट पीडा हुन्छ कि हुँदैन् भनि प्रश्न गरेका छन् । उनले भनेका छन्, ‘कुनै धर्मप्रति मेरो वैमनस्यता र विरोध छैन । तर, २००७ सालमा २दर्जन क्रिश्चियन भएको नेपालमा लोभलालच र भ्रम सिर्जना गरेर तथा संगठितरूपमा भैरहेको धर्मपरिवर्तनको परिणामस्वरूप अहिले करिव ४०लाख पुगेको छ । हाम्रो गौरवशाली सनातन धर्म र सभ्यतामाथीको यो आक्रमणले असह्य पिडा हुन्छ । के तपाईको मन दुख्दैन् ?’

कुनै धर्मप्रति मेरो वैमनस्यता/विरोध छैन।तर,२००७सालमा २दर्जन क्रिश्चियन भएको नेपालमा लोभलालच/भ्रम सिर्जना गरेर तथा संगठितरूपमा भैरहेको धर्मपरिवर्तनको परिणामस्वरूप अहिले करिव ४०लाख पुगेको छ।हाम्रो गौरवशाली सनातन धर्म/सभ्यता माथीको यो आक्रमणले असह्य पिडा हुन्छ।के तपाईको मन दु:ख्दैन?

— Kamal Thapa (@KTnepal) December 27, 2020

उनका अनुसार धर्म परिवर्तनको निशामा सबैभन्दा बढि आदिवासी, जनजाति र दलित समुदाय परेका छन् । पहिचानवादी छद्मभेषीले नै धर्म परिवर्तनमा संगठित रुपमा काम गरेको उनको आरोप छ ।

‘धर्म परिवर्तनको निशानामा सबैभन्दा बढी आदिवासी र जनजाति र दलित समुदाय परेका छन् । पहिचानको रक्षा गरौं भन्ने कथित छद्मभेषीहरू आदिवासी र जनजाति र दलित समुदायको पहिचान मेटाउने षडयन्त्रका मतियार हुन्। यिनले डलरसँग राष्ट्रको पहिचान र गौरव बेच्ने गद्दारी गरिरहेका छन्।’, थापाले भनेका छन् ।