Sansar News
१३ पौष, काठमाडौं । हिमालयन बैंक लिमिटेडले प्रस्ताव गरेको लाभांश सुरक्षित गर्ने आज सोमबार अन्तिम दिन रहेको छ।
बैंक गत आर्थिक वर्षको लाभांश वितरण र वार्षिक साधारणसभा प्रयोजनका लागि भोलि पुस १४ गतेबाट पुस २७ गतेसम्म बुक क्लोज गर्ने निर्णय गरेको छ। सो आधारमा आजसम्म कायम रहेका शेयरधनीहरुले साधारणसभामा भाग लिन तथा बैंकले वितरण गर्ने लाभांश लिन पाउनेछन् ।
बैंकले गत आर्थिक वर्षमा आर्जन गरेको कूल मुनाफाबाट कूल २० प्रतिशत लाभांश दिने घोषणा गरेको छ । जसमा १४ प्रतिशत बोनस सेयर र ६ प्रतिशत नगद रहेको छ।
प्रस्तावित लाभांश बैंकको यही पुस २७ हुने २८ औँ वार्षिक साधारणसभाले अनुमोदन गर्नेछ। सभा काठमाण्डौको कमलादीस्थित बैंकको केन्द्रीय कार्यालयमा भिडियो कन्फ्रेन्समार्फत हुने बैंकले जनाएको छ ।
वि.सं.२०७७ पुस १३ सोमवार १३:४९ मा प्रकाशित
