Sansar News
१३ पौष, काठमाडौं । नेपाल क्रेडिट एण्ड कर्मस (एनसीसी) बैंकले “कर्पोरेट–पे” प्रणालीको शुरुवात गरेको छ। बैंकले आफ्ना संस्थागत ग्राहकका निमित्त बैक खाता बाटै सोझै विद्युतीय भुक्तानी गर्न सकिने उक्त प्रणालीको शुरुवात गरेको बैंकले जनाएको छ ।
यसका लागि लबैंकले नेपाल क्लियरिङ्ग हाउससंग सम्झौता गरी यस्तो सेवा शुभारम्भ गरेको हो । उक्त सम्झौतामा बैंकको तर्फबाट प्रमुख सञ्चालन अधिकृत रमेश सापकोटा तथा कम्पनीको तर्फबाट प्रमुख कार्यकारी अधिकृत नीलेश मान सिंह प्रधानले हस्ताक्षर गरेका छन् ।
‘यस कर्पोरेट–पे’ प्रणाली प्रयोग गर्नका लागि बैंकबाट आवश्यक प्रकृया पूरा गरी आवेदन दिन सकिन्छ । यस प्रणालीबाट आफैले तोकिएको कारोबार सीमा भित्र रही कुनै पनि भुक्तानीहरु बैंकको प्रत्यक्ष संलग्नता बिना नै गर्न सकिनेछ ।
वि.सं.२०७७ पुस १३ सोमवार १५:५२ मा प्रकाशित
