हामी सबैकाे संसारन्यूज

१४ पुष, काठमाडौँ । भारत र अष्ट्रेलिया बिच मेलबर्नमा भएको दोस्रो टेस्टमा भारत ८ विकेटले विजयी भएको छ ।

टस जितेर पहिले ब्याटिङ्ग गरेको अष्ट्रेलिया आफ्नो पहिलो इनिङ्गसमा ७२.३ ओभर खेल्दैँ १९७ रन बनाएर अलआउट भएको थियो । अष्ट्रेलियाका लागि ब्याटिङ्गमा मार्नस लबुशेनले सर्वाधिक ४८ रन बनाएका थिए भने भारतका लागि बलिङ्गमा जसप्रीत बुमराहले सर्वाधिक ४ विकेट लिएका थिए ।

अष्ट्रेलिया अलआउट भएपछि ब्याटिङ्ग गर्न आएको भारतले भने आफ्नो पहिलो इनिङ्गमा ११५.१ ओभर खेल्दैँ ३२६ रन बनाएर अलआउट भएको थियो । भारतका लागि कप्तान अजिंक्य राहणेले सतक बनाएका थिए । राहणे ११२ रन बनाएर आउट भएका थिए भने रविन्द्र जडेजाले पनि ५७ रनको पारी खेलेका थिए । अष्ट्रेलियाका लागि बलिङ्गमा भने मिचल स्टार्क र नेथन लायनले सर्वाधिक ३/३ विकेट लिएका थिए । ३२६ रन बनाएको भारतले आफ्नो पहिलो इनिङ्गसमा अष्ट्रेलिया विरुद्ध १३१ रनले लिड लिएको थियो ।

पहिलो इनिङ्गसमा १३१ रनले पछि परेको अष्ट्रेलिया आफ्नो दोस्रो इनिङ्गसमा २०० रन मा अलआउट भएको थियो । अष्ट्रेलिया दोस्रो इनिङ्गसमा २०० रनमा अलआउट भएपछि भारतले जितको लागि ७० रनको लक्ष्य पाएको थियो ।

अष्ट्रेलियाले दिएको ७० रनको लक्ष्य भारतले १५.५ ओभरमा २ विकेट गुमाएर पुरा गर्यो । भारतका लागि शुभमन गील ३५ र कप्तान अजिंक्य राहणे २७ रन बनाएर नटआउट रहेका थिए ।

जितसँगै भारतले ४ खेलको टेस्ट श्रृखलामा १-१ ले बराबरी गरेको छ ।