हामी सबैकाे संसारन्यूज

पुस १४, काठमाडौं । नेकपाको प्रचण्ड–नेपाल समुहका नेता भीम रावलले प्रधानमन्त्री केपी शर्मा ओलीसँग जोडेर आएका समाचारप्रति आपत्ति जनाएका छन् । ‘प्रधानमन्त्री ओलीको शरीरमा स्त्रीको अङ्ग मिसिएको हुँदा दिमागले काम गरेन’ भनि आफ्नो नाम जोडेर आएको समाचार गलत भएको बताए ।

‘ओलीको शरीरमा स्त्रीको अङ्ग मिसिएको हुँदा दिमागले काम गरेन’ भनी मैले भनेको भन्दै एउटा समाचार माध्यमले गरेको कुप्रचारको भर्त्सना गर्दछु’, सामाजिक सञ्जालमा रावलले भनेका छन्, ‘त्यो निकृष्ट कुरा समाचार लेख्नेको दिमागको उपज हो, मप्रति घृणा फैलाउन गरिएको उक्त कुप्रचारको घोर निन्दा गर्छु।’

“ओलीको शरीरमा स्त्रीको अङ्ग मिसिएको हुदा दिमागले काम गरेन” भनी मैले भनेको भन्दै एउटा समाचार माध्यमले गरेको कुप्रचारको भर्त्सना गर्दछु।त्यो निकृष्ट कुरा समाचार लेख्नेको दिमागको उपज हो।मप्रति घृणा फैलाउन गरिएको उक्त कुप्रचारको घोर निन्दा गर्छु।म राजनीतिक भाषा र तथ्यमा विश्वास गर्छु

— Bhim Rawal, PhD (@BhimRawal179) December 29, 2020

उनले आफुँ सधैं राजनीतिक भाषा र तथ्यमा विश्वास गर्ने गरेको बताएका छन् ।

सोमबार केही अनलाईन सञ्चार माध्यममा भीम रावलले ‘प्रधानमन्त्री ओलीको शरीरमा स्त्रीको अङ्ग मिसिएको हुँदा दिमागले काम गरेन’ भन्ने अभिव्यक्ति दिएको समाचार आएका थिए ।