Sansar News
१४ पुस, काठमाडौं । पूर्वप्रधानमन्त्री तथा नेपाल कम्युनिष्ट पार्टी (नेकपा) का अध्यक्ष माधव कुमार नेपालले केपी प्रवृतिका बिरुद्धको नयाँ एकतामा अपूर्व साथ मिलेको बताएका छन् ।
राजधानीको प्रदर्शनीमार्गमा आयोजीत बिरोध सभालाई सम्बोधन गर्दै नेता नेपालले केपी ओलीको ब्यक्तिवाद, दंभ र अहंकारकाबिरुद्ध पार्टीभित्रको दुई तिहाइले नयाँ एकता हासिल गरेको बताएका हुन् ।
सभालाइ सम्बोधन गर्दै नेता नेपालले ओली पहिलेदेखी नै अग्रगमनको पक्षधर नरहेको बताउदै वयलगाडा चढेर वाशिंगटन नपुगीने कुराको स्मरण गराएका थिए ।
अध्यक्ष नेपालले केपी ओलीले आफ्नो कदम नसच्याए समयले नपर्खिने भन्दै केपी ओली प्रधानमन्त्री भएपछि जनतालाई सुख भन्दा दुःख दिएको र लोकतान्त्रिक तथा कम्युनिष्ट आचरण ओलीमा नभएको समेत बताएका थिए । ‘त्यसैले हामीले भन्यौ कपी ओलीमा व्यक्तिवाद र निरंकुश चरित्र हावी छ ।’ अध्यक्ष नेपालले भने ।
राजधानीका बिभिन्न ठाउबाट आएको नेकपाको जुलुस सभागृह अगाडी सभामा परीणत भएपछि अध्यक्ष नेपालले सम्बोधन गरेका थिए ।
वि.सं.२०७७ पुस १४ मंगलवार १५:३१ मा प्रकाशित
