Sansar News
पुस १४, काठमाडौं । संसद विघटन गर्ने सरकारको निर्णयविरुद्व प्रचण्ड–नेपाल नेतृत्वको नेकपाले देशव्यापी प्रदर्शन सुरु गरेको छ । मंगलबार नेकपाले ७७ वटै जिल्लामा जिल्ला केन्द्रीत प्रदर्शन गरिरहेको छ ।
काठमाडौं उपत्यकामा पनि नेकपाको प्रदर्शन जारी छ । उपत्यकाका विभिन्न स्थानबाट जुलुस निस्किएको छ ।
नेकपाले काठमाडौंको भृकुटीमण्डमा विरोधसभा कार्यक्रम आयोजना गरेको छ । सभालाई पार्टी अध्यक्षद्वय पुष्पकमल दाहाल ‘प्रचण्ड’, माधव नेपाल, वरिष्ठ नेता झलनाथ खनाललगायतले सम्बोधन गरेका थिए ।
पार्टी विभाजनसँगै प्रचण्ड–नेपाल नेतृत्वको नेकपाले संसद विघटनविरुद्व प्रदर्शन गर्ने घोषणा गरेको थियो । नेकपाले प्रदर्शनका लागि पार्टी प्रवक्ता नारायणकाजी श्रेष्ठको नेतृत्वमा आन्दोलन परिचालन समिति गठन गरेको थियो ।
यस्तो रह्यो संसद विघटनविरुद्व प्रचण्ड–नेपाल नेतृत्वको नेकपाद्वारा गरिएको प्रदर्शन
वि.सं.२०७७ पुस १४ मंगलवार १७:२८ मा प्रकाशित
