हामी सबैकाे संसारन्यूज

१५ पुस, काठमाडौं । कोरोना भाइरस (कोभिड–१९) को परीक्षणका लागि नमुना संकलन कर्ताहरुलाई नमुना दिने व्यक्तिको सहि ठेगाना उल्लेख गर्न आग्रह गरेको छ ।

मन्त्रालयले कोभिड–१९ परीक्षणका लागि नमुना संकलन गर्ने क्रममा विभिन्न निकायले आ-आफ्नो ढंगले व्यक्तिहरुको ठेगाना लेख्दा यदि व्यक्ति संक्रमित पुष्टि भएमा पहिचान गरी गर्नुपर्ने कार्यहरु कठिनाई भएको मन्त्रालले जनाएको छ ।

बुधबार एक विज्ञप्ति जारी गर्दै मन्त्रालयले भनेको छ, ‘ विभिन्न निकायले आ–आफ्नो तरिकाले व्यक्तिहरुको ठेगाना रेख्ने गर्नाले सम्बन्धीत व्यक्तिहरुको पहिचान तथा नीजहरुमा संक्रमण पुष्टि भएमा सम्पर्कमा आएकाहरुको खोजी अनुसन्धान, जाच पड्ताल, स्थान, विशेष पहिचान गरी गर्नुपर्ने कार्यहरु लगायतका कामहरु गर्न कठिनाइ भइरहेको छ ।’

मन्त्रालयले कोरोनाको नमुना परीक्षणका लागि आएका व्यक्तिहरुको हालको बसोबासको ठेगानालाई आधार मानेर ठेगाना उल्लेख गरिदिन अनुरोध गरिए पनि सबैतिरबाट एक रुपता नभएको भन्दै अब उप्रान्त सबै प्रयोगशालाहरु, अस्पतालहरु, र सम्बन्धीत सबै निकायहरुले नमुना संकलनको समयमा सम्बन्धीत व्यक्तिको हाल बसोबास रहेको ठेगाना उल्लेख गरिदिन समेत अनुरोध गरेको छ ।