हामी सबैकाे संसारन्यूज

१६ पुस, अमेरिका । अमेरिकाको लुजियाना राज्यमा निर्वाचित भएका विधानसभा सदस्य ल्युक लेटलो नामक सांसद सपथ लिन नपाई कोरोना सक्रमणबाट निधन भएको छ ।
उनको गत मंगलबार डिसेम्बर २९ का दिन राती कोभिड(१९ बाट निधन भएको हो । उनका प्रवक्ताका अनुसार ४१ बर्षिय बिधानसभा सदस्यले सपथ ग्रहण समेत लिन बाँकि भएको अवस्थामा कोरोना बिग्रिएर उनको निधन भएको जनाएका छन् ।

लुजियाना राजका बिधानसभाका कंग्रेसम्यान(संसद)ले जसले लुजियानाको ५ औ निर्वाचन क्षेत्रबाट प्रतिनिधित्व गरेका थिए । उनि रिपब्लिकन दलका तर्फबाट चुनाव जितेका थिए । उनका प्रवक्ता एन्ड्रयु वचले उनको निधन भएको निश्चित गरेका छन् भने उनले सामाजिक संजालमा जानकारी समेत गराएका छन् ।

उनले यस दुखद र कठिन समयमा अन्य कैयौ सवालमा कुराहरु सार्वजनिक नगर्न समेत आग्रह भएको भन्दै छिट्टै अन्तिम संस्कारको जानकारी गराइने उल्लेख गरेका छन् ।

उनकी पत्नी र २ जना बच्चाहरु हाल लुजियानामै बसोबास गर्छन । आगामी जनवरी ३ का दिन उनले सपथ ग्रहण लिए कार्यक्रम समेत रहेको उनका प्रवक्ताले जनाएका छन् ।

लुजियानाका गभर्नर जोन बेल एडवार्डले प्रार्थना गदै अन्तिम संस्कारमा झन्डा आधा फहराउन आदेश दिने बताएका छन् । गत डिसेम्बर १८ का दिन लेटलो कोभिड(१९ बाट संक्रमित भएका थिए ।

उनलाई अस्पतालमा उपचार गरि रहेको अवस्थामा अर्को अस्पतालमा भर्ना समेत गरिएको थियो । लुजियानाका बिधान सभा सदस्यहरुले समबेदना प्रकट गरेका छन् । एनबिसी न्युज