Sansar News
१६ पुस, काठमाडौं । प्रधानमन्त्री केपी शर्मा ओलीले प्रतिनिधिसभा विघटन गराए पस्चात मन्त्रिपरिषद विस्तार गरेपछी उक्त कदमका विरुद्ध सर्बोच्चमा परेको रिटको आज सुनुवाइ हुँदैछ । प्रधानमन्त्री ओलीले प्रतिनिधिसभा विघटन गरेपछी नेकपाकै प्रचण्ड- माधव नेपाल समुहका मन्त्रीहरले प्रधानमन्त्रीको उक्त कदम असंबैधानिक रहेको भन्दै राजिनामा दिएका थिए ।
प्रतिनिधिसभा विघटनको मुद्दा अदालतमा बिचाराधिन रहेको अवस्थामा प्रधानममन्त्रीले मन्त्रिपरिषद् विस्तार गरेकाले उक्त कार्य गर्न नपाइने भन्दै अधिवक्ताहरू दिनेश त्रिपाठी, लोकेन्द्र ओली, केशरजंग केसी र दिनेश लामिछानेले गत १३ पुसमा सर्वोच्च अदालतमा रिट दायर गरेका थिए । अधिवक्ताहरूले प्रधानमन्त्री तथा मन्त्रिपरिषद् कार्यालय र राष्ट्रपति कार्यालयलाई विपक्षी बनाइ रिट दायर गरेका थिए ।
सर्वोच्चले बुधबार सो रिटलाई ‘हेर्न नभ्याइने’ सूचीमा राखिएको थियो । न्यायाधीश ईश्वरप्रसाद खतिवडाको एकल इजलासमा परेको सो पेसी आज बिहीबारका लागि तोकिएको छ । कामचलाउ सरकारले मन्त्रिपरिषद् विस्तार गर्नु संविधानको मर्मविपरीत रहेकाले त्यसलाई बदर गर्न रिटमा माग गरिएको छ ।
वि.सं.२०७७ पुस १६ बिहीवार ११:०२ मा प्रकाशित
