Sansar News
१६ पुस, काठमाडौं । झापाको कनकाई नगरपालिकाका प्रमुख राजेन्द्र कुमार पोखरेलका बुवाको निधनमा सार्वजनिक विदा दिइएको छ ।
नगरप्रमुख पोखरेलका बुवा गणेश प्रसाद पोखरेलको ८७ वर्षको उमेरमा बुधबार निधन भएपछि नगरपालिकाले आज (विहिबार) सार्वजनिक बिदा दिएको विज्ञप्ति मार्फत् जनाइएको छ ।
‘यस दुःखद घडीमा भोली मिति २०७७ साल पुष १६ गते कनकाई नगरपालिकाको कार्यालय, मातहतका सवै वडा कार्यालयहरु, स्वास्थ्य संस्था तथा शैक्षिक संस्थाहरुमा समेत शोक (सार्वजनिक) विदा दिइएको व्यहोरा निर्देशन अनुसार सबैमा जानकारी गराइन्छ ।’ नगरपालिकाद्धारा बुधबार जारी बिज्ञप्तिमा जनाइएको छ ।
मेयर पोखरेलका बुवा सुरुङ्गा गाउँपञ्चायतमा पाँचपटकसम्म प्रधानपन्च बनेका थिए ।
वि.सं.२०७७ पुस १६ बिहीवार ११:१६ मा प्रकाशित
