Sansar News
१६ पुस, काठमाडौं । कञ्चनपुरकी बालिका निर्मला पन्तको बलात्कार पछि हत्या प्रकरण मुद्दामा बर्खास्तमा परेका प्रहरी उपरीक्षक डिल्लीराज विष्टलाई पुनर्बहालीको बाटो मन्त्रिपरिषदकाे निर्णयले खुल्ला गरेकाे छ ।
जिल्ला अदालत कञ्चनपुरले साउन १५ गते बर्खास्तमा परेका विष्ट र इन्स्पेक्टर जगदिशप्रसाद भट्ट सहित निलम्बनमा परेका अन्य प्रहरीहरूलाई सफाइ दिने फैसला गरेको थियो। अदालतको उक्त फैसला पस्चात बुधबार बसेको मन्त्रिपरिषद बैठकले विष्ट लगाएत अन्य प्रहरीहरुलाई पुनर्वहाली गर्ने निर्णय गरेको छ ।
गृह मन्त्रालयको सिफारिस अनुसार अदालतले सफाइ दिइसकेकाले उनीहरुको पुनर्वहाली गरिएको एक मन्त्रीले जानकरी दिए । अदालतले सफाइ दिएपछि पुनर्बहालीको माग सहित विष्टले प्रहरी प्रधान कार्यालयमा निवेदन दिएका थिए । उक्त निबेदन गृह मन्त्रालय हुदै मन्त्रिपरिषद पुगेर उनको पुनर्वहालीको बाटो खेलको हो ।
वि.सं.२०७७ पुस १६ बिहीवार १२:४२ मा प्रकाशित
